بیشک اللہ نے ہر چیز پر احسان فرض کیا ہے

اسلامی شریعت میں قاعدہ احسان ایک ایسا قاعدہ ہے جس پر تمام احکام تکلیفیہ اور اخلاقی اصول و ضوابط مبنی ہیں، اور وہ عدل و انصاف، بھلائی، وفا اور رحمت کی دلیل ہے۔

نبی کریم ﷺ نے صحابہ کرام سے اسی قاعدہ کے ذریعہ گفتگو شروع فرمائی اور اسے اس عظیم وصیت میں مقدم رکھا جوکہ اس بارے ایک عظیم مثال ہے کہ انسان کو اپنے ہر عمل میں احسان کا مظاہرہ کرنا چاہیے اگرچہ بظاہر اس عمل میں سختی یا بے رحمی ہو۔

اور اللہ کے رسول ﷺ کے اس فرمان : "بیشک اللہ نے ہر چیز پر احسان فرض کیا ہے" سے پتہ چلتا ہے کہ احسان ایک ایسا امر ہے جس کو اللہ نے ساری مخلوق کے لیے ضروری قرار دیا ہے ، اور ہر مکلف پر فرض یا اس کے قریب تر واجب و ضروری کر دیا ہے۔