البحث
ضيّعت الصلاة؟ ضيّعت كل حاجة!
تحت قسم :
صَلَاتِي فَلَاحِي
14
2026/03/01
2026/03/03
فاكر أول مرة كسلت عن الصلاة وقلت: "مرة مش هتأثر"؟ الحقيقة إن السقوط دايمًا بيبدأ بخطوة صغيرة. الصلاة مش مجرد عبادة، دي صِلة بينك وبين ربنا، حبل ممتد من الأرض للسماء، لو اتقطع تِتوه.
﴿فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا﴾
[مريم: 59].
، شوف البداية كانت إيه؟ إضاعة الصلاة.
وقال ﷺ:
«العهد الذي بيننا وبينهم الصلاة، فمن تركها فقد كفر»
(رواه الترمذي وصححه الألباني).
مش تخويف… دي حقيقة خطيرة.
الصلاة نور،
قال ﷺ:
«الصلاة نور»
(رواه مسلم).
لما بتسيبها، قلبك بيظلم حتى لو وشك بيضحك.
بتحس بضيق، بتشتت، بفراغ مش مفهوم.
ارجع قبل ما القسوة تبقى عادة.
ارجع قبل ما تحس إن قلبك مات وإنت لسه عايش.
