لوگوں پر آسانی کرنا اور ان کو دشواریوں میں نہ ڈالنا

سعید بن ابی بردہ اپنے والد سے بیان کرتے ہیں کہ نبی کریم ﷺنے ان کے دادا حضرت ابو موسی اور معاذ بن جبل رضی اللہ عنہما کو یمن (کا حاکم بناکر) بھیجا  تو (ان سے) فرمایا : " لوگوں  پر آسانی کرنا اور  ان کو دشواریوں میں نہ ڈالنا ، لوگوں کو خوش خبریاں دینا اور  دین سے نفرت نہ دلانا، اور تم دونوں آپس میں اتفاق رکھنا۔" اس پر ابوموسی اشعری رضی اللہ عنہ نے عرض کیا : اے اللہ کے نبی! ہمارے ملک میں جو سے ایک شراب تیار ہوتی ہے جس کا نام ” مزر “ ہے اور شہد سے ایک شراب تیار ہوتی ہے جو ” بتع “ کہلاتی ہے، (اس کا کیا حکم ہے؟ ) آپ نے فرمایا :" ہر نشہ لانے والی چیز حرام ہے۔"  پھر دونوں بزرگ روانہ ہوئے، معاذ رضی اللہ عنہ نے ابوموسی رضی اللہ عنہ سے پوچھا آپ قرآن کس طرح پڑھتے ہیں؟ انہوں نے بتایا کہ کھڑے ہوکر، بیٹھ کر، اور اپنی سواری پر بھی ، اور رات میں تھوڑے تھوڑے عرصہ بعد پڑھتا ہی رہتا ہوں، معاذ رضی اللہ عنہ نے کہا لیکن میر ا معمول یہ ہے کہ شروع رات میں سوجاتا ہوں اور پھر بیدار ہوجا تا ہوں، اس طرح میں اپنی نیند پر بھی ثواب کا امید وار ہوں جس طرح بیدار ہوکر ( عبادت کرنے پر ) ثواب کی مجھے امید ہے، اور انہوں نے ایک خیمہ لگالیا  پھر ایک دوسرے سے ملاقات برابر ہوتی رہتی، ایک مر تبہ معاذ رضی اللہ عنہ ابو موسی رضی اللہ عنہ سے ملنے کے لیے آئے، دیکھا ایک شخص بندھا ہوا ہے، پوچھا یہ کیا بات ہے ؟ ابو موسیٰ رضی اللہ عنہ نے بتلایا کہ یہ ایک یہودی ہے ، پہلے خود اسلام لایا اب مرتد ہو گیا ہے، معاذ رضی اللہ عنہ نے کہا کہ میں اسے ضرور قتل کردوں گا۔"