کپڑے پہننے کی سنتیں

جن کاموں کو تقریباً اکثر لوگ دن و رات میں بار بار کرتے ہیں انہیں میں سے کپڑے پہننا اور اتارنا بھی ہے مثلاً یا تو نہانے، یا سونے یا کسی اور کام کے لیے کپڑے پہنتے اور اتارتے ہیں۔

            کپڑے پہننے اور اتارنے کی چند سنتیں ہیں: 

1- ( بسم الله) پڑھنا چاہے کپڑے اتارے یا پہنے، امام نووی نے ارشاد فرمایا :( بسم الله)  پڑھنا تمام ( نیک) کاموں میں مستحب ہے۔

2 - اللہ کے رسولﷺ جب بھی کوئی کپڑا، قمیص، چادر یا عمامہ پہنتے تو آپ فرماتے تھے :

" اللَّهُمَّ إني أسْألُكَ مِنْ خَيرهِ وخَيْرِ مَا صُنِعَ لَهُ، وأعوذُ بِكَ مِنْ شَرِّهِ وشَرِّ ما صُنِعَ لَهُ"

[اے اللہ! میں تجھ سے اس کی بھلائی اور جس چیز کےلئے یہ بنایا گیاہے اس کی بھلائی طلب کرتا ہوں،اور اس کی بُرائی سے اور جس چیز کےلئے یہ بنایا گیاہےاس کی بُرائی سے تیری پناہ چاہتا ہوں” ]

( اسے امام داؤد، ترمذی اور احمد نے روایت کیا ہے، ابن حبان اور حاکم نے اس کی تصحیح کی ہے، امام حاکم نے فرمایا کہ یہ امام مسلم کی شرط کے مطابق ہے، امام ذہبی نے ان کی موافقت کی ہے)۔

3 - کپڑے پہنتے وقت داہنے سے شروع کرے، کیونکہ اللہ کے رسولﷺکی حدیث پاک میں ہے: " جب تم (کپڑے) پہنے تو اپنے داہنے سے شروع کرو"۔ (ترمذی، داؤد  ابن ماجہ، یہ حدیث صحیح ہے)

4- اور جب اپنے کپڑوں اور پائجاموں کو اتارے تو پہلے بائیں کو اتارے اور پھر داہنے کو۔