(18) اٹھارہویں وصیت : جماع کے وقت شیطان کو بھگانے کے لیےدعا کرے

حضرت ابن عباس رضی اللہ عنہ  سے مروی ہے کہ اللہ کے رسول  ﷺنے ارشاد فرمایا :" جب تم میں سے کوئی اپنی بیوی کے ساتھ جماع کا ارادہ کرے تو یہ دعا پڑھے :

" بِسْمِ اللَّهِ، اللَّهُمَّ جَنِّبْنَا الشَّيْطَانَ، وَجَنِّبْ الشَّيْطَانَ مَا رَزَقْتَنَا"[1]

اے اللہ تو ہمیں شیطان سے بچا، اور جو ہمیں تو(اولاد) عطا فرمائے   اسے بھی شیطان سے بچا۔

کیونکہ اگر اس جماع سے انہیں بچہ پیدا ہوا تو شیطان اس کو کبھی نقصان نہیں پہنچاۓ گا "۔

 یہ دعا جماع سے پہلے پڑھے۔

شیطان اس کو کبھی نقصان نہیں پہنچاۓ گا: اس بارے میں اختلاف ہے کہ شیطان اس کو کس طرح کا نقصان نہیں پہنچاۓ گا، لیکن قاضی عیاض نے اس بات پر اجماع  نقل فرمایا ہے  کہ یہاں تمام قسم کے ضرر کی نفی نہیں ہے ، اگرچہ صیغۂ نفی مؤبد  عموم  ضرر پر دلالت کر رہا ہے۔