مومن کے علاوہ کسی اور کو اپنا دوست مت بناؤ

نیک لوگوں کی دوستی اور مصاحبت میں صرف خیر اور بھلائی ہی ہے اگرچہ اس راہ میں بعض اوقات کچھ لوگوں کو غیر پسندیدہ امور درپیش آتے ہیں لیکن وہ ان کی کچھ پرواہ نہیں کرتے ہیں بلکہ انہیں نظر انداز کر دیتے ہیں، کیونکہ وہ جانتے ہیں کہ نیک لوگوں سے شر اور برائی کیسے آ سکتی ہے۔

اور یہی مومن کے لائق بھی ہے، کیونکہ وہ پاکی اور صفائی کا عنصر ہے، اور صاف ستھرے دل کا حامل ہے جو ایمان کو پراگندہ کرنے والی ہر بری چیز سے پاک ہے، تو بھلا وہ کسی ایسے شخص سے کیسے قریب ہو سکتا ہے جو اس کے بالکل خلاف ہو اور بھلا وہ کسی ایسے آدمی سے کیسے دوستی کر سکتا ہے جو اس کے بالکل برعکس ہو، تو بھلا کیسے ان دونوں میں اتفاق واتحاد ممكن ہو سکتا ہے حالانکہ وہ دونوں مزاج، روح اور اخلاق کے اعتبار سے ایک دوسرے سے پورے مختلف ہیں۔

بے شک ہر برتن میں سے وہی چیز نکلتی ہے جو اس میں ہوتی ہے، اور ہر شخص وہی خرچ کرتا ہے جو اس کے پاس ہوتا ہے، اسی وجہ سے نبی کریم ﷺ نے مومن کو اپنے جیسے مومن ہی سے دوستی کرنے کا حکم دیا اور اسے بروں کی صحبت اختیار کرنے سے منع فرمایا تاکہ اسے بھی ان جیسی کوئی برائی نہ لاحق ہو جائے۔